Lada don ba sahkut mar pyut ha ïewduh, pyntip sha ka Hima Mylliem

Shillong: Namar ka jing khang iew ha kine ki sngi, bad kaban sa khang ruh ha kine ki sngi namar ka jinghukum ka sorkar, u Acting Syiem ka Hima Mylliem u Pa’iem Ainam Manik Syiem u la pyntip sha ki paidbah nongshong ïew ha ïewduh , Shillong ba lada ki dang don ki mar pyut kiba dang sahkut ha ki dukan jong ki –kin hap ban pyntip sha ka Hima Mylliem da kaba phone ha u Officer In-charge ki pulit Syiem ha u nombar phone-7005732949.

U Acting Syiem u la ong ba ki trai dukan kiba dang sahkut k I mar jong ki kum ki jhur, ki pylleng, ki syiar , ki dohkha bad kiwei pat ki mar pyut ki dei ban phone sha kitei ki nombar bad kin hap pyntip ruh ia ka jaka sah jong ki , ka dukan aiu ki buh bad kin hap ban ai ia u nombar phone jong ki khnang ba ka Hima kan ioh pyntip sha ki bor District ba kin leh ia kaba donkam khnang ba kan lait na ka jingsma iwtung ka ïew kaba lah ban ktah ia ka koit ka khiah ki paidbah.