La weng noh ia ka Containment Order na ka bynta ka Shnong Umthlong

Mairang: U Sub-Divisional Magistrate ka Mairang Civil Sub-Division, Mairang ha ka hukum ba la pynmih ha ka 28 tarik u Jymmang, 2021 u la pyntip ba hadien ba lah dep test lut ia baroh ki High Risk Contact kiba don ha ka Shnong Umthlong, la weng noh ia ka Containment Order na ka bynta kane ka shnong naduh ka 28 tarik u Jymmang, 2021.

Lah ban pynkynmaw hangne ba la pynhap ia ka Shnong Umthlong kum ka Containment Zone ha ka 17 tarik u Jymmang, 2021 kum shibynta ban tehlakam ia ka jingsaphriang jong u khniang jingpang COVID-19 namar ka jingdon jong ki nongpang COVID-19 bad ki High Risk Contact ha katei ka shnong.