La weng ia ka hukum khang dam, na Upper Bakur bad Iew Bakur

Shillong: Ha ka sngi Palei kata ha ka 24 tarik u bnai Jylliew 2021, u Sub Divisional Magistrate Amlarem Sub Division, u Abhilash Baranwal IAS, u la pynbna ba ia ka Upper Bakur bad ka Iew Bakur la weng noh ia ka hukum khang dam.

Ka jingrai ban weng noh ia ka hukum khang dam, na kine ki artylli ki jaka ka long hadien ba la dep ban pynlong ia ka active surveillance bad kumjuh ruh la dep ban leh ia ka test na ka bynta kito kiba lah ban shah ktah ha kane ka khlam.
Shuh shuh katkum ki tyllong khubor kiba la ioh lum la iathuh ba katkum ka kaiphod ba la ai da ka tnad ka koit ka khiah jong ka jylla, ka la ong ba ka jingpur jong ka khlam Covid-19 ka la kham duna ban ia kaba ianujor ha kine ki sngi kiba la leit noh.