Ka stadum, na bynta ka World Cup 2022, kaba la ju sin kum ka ‘vagina stadium’ ka la dep lut nadong shadong bad ka long kaba la khreh ban pynlong ia ki jingialehkai bad katei ka long lai snem shwa ka jingialehkai World Cup.
Ka dur jong ka Stadium
Ka Al Wakrah stadium, ha Qatar, kan pynlong ia ki jingialehkai quarter-final bad ka don ruh ki mashin pyn pyngngad ia ki nongpeit kai, ki ban rung haduh 40 hajar ngut ha katei ka rynsan.
La dro ia katei ka rynsan ialehkai, da ka nongdro kaba na England, ka Dame Zaha Hadid, kaba la iap noh kyndit kyndit ha u snem 2016, ha ka rta kaba 65snem.
Ka Dame Zaha Hadid, kaba dro ia katei ka rynsan ialehkai.
Ia katei ka rynsan ialehkai, hadien ba ka la dep dro, ha u snem 2013, ki don kiba ai kyrteng ba ka long kum ka dur jong ka lieng, kaba ki ju leit tong dohkha sha ki ri Arab. Hynrei kiba bun ki nongpeit ia katei ka rynsan, ki kynthoh ha ki social media, ba kam iahap satia katei ka dur, ba kan long kum ka lieng, hynrei ki shim ba ka long kum u tiar jong ka kynthei.
Ka Dame Zaha, ka la kren bitar halor katei ka jingshah kynnoh, namar ba kam iahap satia bad katei ka jing khot kyrteng sin “vagina stadium”.
Phi don ban ong eiei?