La thylli ki tyllong um, ka MeECL; tangba yn nym pynlip ding satia lashai ka sngi

Shillong:Ka khubor, mynta ka sngi, ba la pynmih da U Arunkumar Kembhavi, Chairman cum Managing Director jong ka MeECL, la pyntip ba ka jingdon bor ding jong ka MePGCL, ka la hiar sha trai duh ha kine ki sngi, ha kaba ka jingmih bor ding, ka long tang 35 haduh 40 MW.

Na ka daw jong ka jing duna palat ka um, la lah ban pynmih bor ding 87.54 MW. La iathuh shuh shuh, ba ha ka por 7baje mynstep jong ka 6tarik Iaiong, ka jing pynmih bor ding, ka la poi sha ka 188.59MW, kaba la buh jingma shi katdei ia katei ka tnat bor ding bad ka daw, ka dei na ka jingkhang jong ka OTPC Palatana, naduh ka 7tarik Iaiong shaduh ka 14tarik Iaiong. La shai ka sngi, ka jingduna bor ding, kan poi sha ka 3.35MU, nalor kaba la ju pyndonkam man ka sngi, kaba long 6.1MU.

Hynrei na ka daw jong ka elekshon ha Garo Hills bad na ka jingdon ki eksamin bapher, la iathuh ba la thied bor ding, ha ka dor kaba rem bad lashai ka sngi, kan nym don ka jing pynlip ding satia, ong ka khubor.