La thung ia U Bah AL Hek kum u adviser, jong u Myntri Rangbah ka Jylla

Shillong: Hadien ba u Bah AL Hek u ba dei na ka seng Bharatiya Janata Party(BJP) u la shah weng noh na ka shuki ba u bat kum u Myntri jong ka tnad ka koit ka khiah ha ka jylla bad ba la thung Myntri noh da u Bah Sanbor Shullai, u Bah AL Hek u la shah thung thymmai noh kum u nong ai jingmut, jong u Myntri Rangbah ka jylla, u Conrad K Sangma.

Ha ka jingpynmih ba la ioh na ka ophis jong u Myntri Rangbah ka Jylla la ong, “U Lat ka jylla u sngewdei ban thung ia u Alexander Laloo Hek u ba dei u MLA kum u nongai jingmut jong u Myntri Rangbah ka jylla Meghalaya”.

Katei ka jingpynhiar shuki ia u Bah AL Hek ka la pynlong ia u Bah Hek ba un sngewdiaw halor katei ka jingleh, namar ba ka Sorkar bad ka seng ki khlem shym la pyntip eiei satia ia u, ha shwa ba kin pynhiar shuki ia u na ka shuki Myntri.