La thikna, ban leit rah ia ka CAB la Sngi Nyngkong ha Lok Sabbha

New Delhi: Mynta ka la thikna ba ia ka ain Citizenship (Amendment) Bill, (CAB), yn leit rah ha ka Lah Sngi U Blei ha Lok Sabbha, na ka bynta ka jingmynjur jong ka iing bad ban ia tai ruh halor katei ka ain. La khmih lynti ba ia katei ka ain, yn mynjur da ka Lok Sabbha, ha ka Sngi Hat Majai.

Lyngba katei ka ain, yn ailad ia ki jaitbynriew Hindu, Sikh, Buddhist, Jain, Parsi bad ki Khristan ruh, kiba na Afghanistan, Bangladesh lane na Pakistan, ba kin long noh ki nong India.

Katei ka ain, ka dei kaba ki la pyrshang bha ki sengbhalang jong ka thain shatei lam mihngi bad la iathuh ba ka North East Students’ Union (NESU), ka la khot ia ka pakhang shnong, kaba 11kynta ha ka thain shatei lam mihngi ha ka Sngi Hat Majai ban pyrshah ia katei ka ain, ong ka khubor jong ka CNN News 18.