La thaw ia ka seng ki trai bad nongniah kali

Shillong: La thaw ia ka seng ki trai bad nong niah kali ka ba tip kum ka ‘All Meghalaya Commercial Vehicles Owner’s and Driver’s Union’.

Ha kane ka seng la kynthup lang ia nong niah ne trai jong ki local taxi, ki Tourist, ki city bus bad kiwei de ki kali kit passenger.Ia kane rai la shim ha ka jing ialang jong ki ‘Associations’ jong ki nong kamai niah kali ka ba la long ha ka 9 tarik kyllalyngkot 2020 ha ing dorbar hall ha Lad Nongkrem Kynton ha ka jing ia shim bynta da ki Nongkitkam jong ki Associations kali kamai bapher bapher na man ki thain.
Ha kane ka sngi la don ruh ka jing jied iaki Nong kitkam jong ka Union bad ka Association ka la jied President ia u Egenstar Kurkalang kum u Vice President ia u P. Khongsngi kum u General Secretary ia u Kitbok Syiemlieh kum u Asst General Secretary ia u H. Kharkongor kum u Publicity Secretary E. Bina bad 30 ngut ki Executive Members.
Ha kne ka jing ialang ka Union ka la dawa ba ka sorkar Meghalaya kadei ban pynhiar noh iaka dor jong ka ‘Insurance’ ia baroh ki kali. Ka Union ka la dawa ruh ba ka Sorkar Meghalaya kadei ban ym ailad shuh iaki Kali kamai na ka jylla Assam bad na kiwei ki jylla ba kin kamai sahuh shaduh ki kyndong kynshrot ha ki Shnong ki thaw jongka jylla Meghalaya.
Ka Union ka dawa na ka sorkar ba ki kali Assam ki dei tang ban shu wan buh briew na Assam haduh Shillong bad na Shillong ban leit kai sha ki jaka ka jylla ki dei ban pyn donkam beit da ki kali trai shnong na ka jylla Meghalaya.
ka union kan sa pyllong ruh iaka jingialang paidbah jong baroh ki Nongniah bad ki trai kali kamai ( Driver and Owner) jong ka jylla Meghalaya ka ban long haka 1 tarik u Rymphang 2020 ha Shillong ban ia pyrkhat sani bha bad ban shim iaka rai halor kane kam.