Shillong: La thaw mynta ka sngi, ia ka Meghalaya United Christian Forum (MUCF) bad katei ka dei ka seng jong ki Pastor lem bad ki riew rangbah jong ki balang Khristan bapher, kiba dei na ka jaitbynriew Khasi, Jaintia bad Garo.
Ki nong kitkam, ki kynthup ia U Rev (Dr) Batkupar Dunai, kum U Chairman, U Tony Tc Marak, Vice Chairman, U bah Synsharlang Kharshiing, Secretary, U Rev David Marbaniang, Asstt Secretary bad U bah Eric Brandon Nongkynrih, kum Treasurer. Kiwei pat ki dkhot jong ka Executive Committee ki long U Rev S Siangshai, U Rev Puhran Sangma.
Ka jingthmu jong ka MUCF, ka dei ban nang pynkhlain ia ka hima jong u Blei bad kumjuh ban nang pynskhem ia ka jingngeit Khristan bad ki jinghikai jong ka Baibl bad ka bha ka miat jong ki riewngeit Khristan. Ka MUCF, ka duwai ruh ia ki nongialam ka Jylla bad ri hi baroh kawei, ba kin ioh ia ka jingstad, ha kaba ki shimti ia ka lyngkor na ka bynta ban shakri ia ka Ri.
Phi don ban ong eiei?