La tep don burom, ia U MLA jong ka Mawryngkneng

Shillong:Myn hynnin ka sngi, la tep don burom ia ka met ba sah jong u bah David Arnold Nongrum u MLA jong ka Mawryngkneng constituency, ha u lum jingtep jong ka balang Catholic ha Umpling, Shillong, ha kaba ia ka jingleh niam la pyniaid da u Fr Glorious Syiemlieh jong ka parish Nongthymmai.

Shuwa ban rah ia ka met jong u bah David, la pynlong ia ka jingleh niam, ha iing sah jong u ha Lapalang ha ka jingiadon lang kiba ha iing ha sem.
Kum ban shu pynkynmaw U bah David Arnold Nongrum 42 snem ka rta u la khlad noh ha ka step jong ka sngi ba ar ka 2 tarik Rymphang 2021 ha Shillong hadien ba u la shitom na ka cardiac arrest.

Na ka liang u Bah Charles Pyngrope u kpa jong u bah David Nongrum, u la pynpaw ia ka jingbynnud halor kane ka jingkhlad ba kyndit jong u khun jong u, namar ba u khun jong u u long u ba trei shitom ha kaba ai ka jingshakri ia ki paidbah.

Ha kane ka sngi u nongialam jong ka CLP u Dr Mukul Sangma, ha ka jingkren ka jong u la pynpaw ba ka jingkhlad jong u bah David kam dei ka jingduh tang ia ka party, hynrei wat ia ka jylla baroh kawei. Kiwei kiba la kren ha kane ka sngi ki kynthup ia ka Dr Ampareen Lyngdoh.