Shillong: Shi bynta ban rakhe ia ka jingdap 75 snem, ka Nongthymmai Sports & Cultural Club, Shillong, lyngba ka Indoor Games & Sports Committee ka la sdang ia ka jingialehkai Carrom Board Championship ha kane ka sngi Balang ha Indoor Hall, Nongthymmai. Kane ka jingialehkai kan kut ha ka 12 tarik mynta u bnai.
Baroh ki don 12 tylli kiba iashim bynta kynthup 80 ngut ki shynrang ha ka para marwei, 40 ngut ha para ar ngut, 10 ngut ki kynthei ha para marwei, bad 6 ngut ki khynnah shynrang ha ka para marwei.
Kiba wan iashim bynta ki long na Madanrting, Rynjah, Mawlai, Malki, Nongpyngrope, Lama Villa bad na kiwei ki jaka.
Ia kane ka jingialehkai la plie da u bah LatiplangKharkongor u MDC ka thain ba la don lang bah R.VDkhar, RangbahShnong ka Lumiablot, bah F. Dkhar, Secretary Shnong Lumsohphoh, Rev. N. Diengdoh, Chairman, Indoor Games and Sports Committee, bah D.SWallang, Secretary, Meghalaya Carrom Association, bah B. Khyriem, RangbahShnong ka Nongkhyriem bad u President ka Sports Club nalor kiwei, la ong ka kyrwoh na u bah John Cajee u secretary ka seng.
Phi don ban ong eiei?