La sngi Saitjain, khot dorbar ka KHADC “ban phiah constituency”

Shillong, 12 Nohprah:
Ka KHADC ka la khot ia ka dorbar kypang ban iakren ia ka kaiphod jong ka Delimitation Committee la sngi Saitjain.
“Ngi la khot ia ka dorbar kyrpang jong ka Council hadien ba 20 ngut ki MDC ki la sngew ba ka long kaba donkam halor kane” la ong u CEM ka KHADC Bah Pynshngain N Syiem.
U Bah Syiem u la ong ba ka Executive Committee (EC) kam pat lah ban shim ia ka rai halor ka kaiphod jong ka Committee.
“Dei tang ka iing dorbar kaba lah ban shim ia ka rai la kan pdiang ne kyntait ia ka kaiphod”, la ong u CEM.
Ha kajuh ka por, u CEM u la iathuh ba ka EC kam lah ban iakynduh ha kane ka sngi Palei namar ba bun ki dkhot ka Executive Member ki don shabar.
“Ka EC kan iakynduh biang la sngi Thohdieng ban iaken ia kane ka kaiphod, la ong u Bah Syiem.
Ha kajuh ka por, ka thymmei khubor ka la iathuh ba bun ki MDC ki kwah ban pynlong elekshon da ka constituency thymmai.
“Ka rai halor ban khot ia ka dorbar ka long tang ka jingpyndep rukom”, la ong ka thymmei khubor.
Katkum ka jingthmu ban phiah constituency, ka Council ka kwah ban thaw ia ka Umsning constituency da kaba pynduh noh ia ka Laitkroh constituency.
Da ka jingpynduh ia ka Laitkroh, ki jaka ba hap hapoh ka Laitkroh constituency kin pharia noh sha Mylliem, Langkyrdem bad Sohra.
Shwa ia kane, ka Delimitation Committee ka la aiti ia ka kaiphod sha ka EC ha ka 9 tarik Nohprah.