La sngi Nyngkong, yn iakren ka MPF ba synjor jingsuk bad u Lat

Shillong, 22 Naiwieng:
Ka kynhun liangpyr shah ha ka iing dorbar thawain ka jylla ka Meghalaya People’s Front (MPF), kan iakynduh ia u Lat ka jylla u Dr KK Paul la sngi Nyngkong ban batai ia ka jingsynjor ka suk ka sain ha ka jylla.
Ngin leit iakynduh ia u Lat la sngi Nyngkong ban batai ia ka jinglong ka suk ka sain ha kane ka jylla”, la ong u nongaiktien ka MPF uba dei ruh u working president ka UDP u Bah Paul Lyngdoh ha kane ka sngi Thohdieng.
U Bah Paul u la ong ba baroh ki MLA jong ka MPF kin leit lang shrup ha iing u Lat.
U la ong ba kum ka liangpyrshah ba don ka jingkitkhlieh, ka dei ka kamram ban leit ban iathuh ia u Lat ka jylla halor ka jinglong jingman ha ka jylla.
Shwa ia kane, ka liangpyrshah ka la ther ruh ia ka sorkar ka la leh mynthi ban khlem ai jubab ia ki kynhun ba pynlong ia ka jingiakhih ha kane ka jylla ban dawa ia ka ILP.
Ki nongialam liangpyrshah ki la ong ba ka sorkar ka dei ban khot dorbar ban iakren ia ka Tenancy Bill kaba ka sorkar ka thmu ban pyntreikam ha jaka ka ILP.