La siew bai bam ka sorkar jylla, ia ki 16hajar ngut, kiba dei ban dang ioh ki don sa 59hajar ngut

Shillong: Ka Directorate of Higher and Technical Education, Meghalaya, Shillong, ka pyntip mynta ka sngi, ba ka la ioh pisa na ka tnat Tribal affairs jong ka sorkar India, na ka Umbrella Scheme for Post Matric Scholarship, kaba dei ia u snem 2023-24.

Ka pisa kaba la ioh ka long T.42,32,13,280 ban siew bai bam ia ki samla pule bad katei ka kynthup ia T.38,08,91,952.00, kaba la ioh na ka Ministry of Tribal Affairs jong ka sorkar India, kaba dei ka pisa ba la mang na ka pla jong ka sorkar India bad sa T.4,23,21,328 na ka sorkar Meghalaya, kaba dei ka bhah jong ka sorkar Jylla bad la siew bai bam ia 16,964ngut ki samla pule. Na ka bynta ki 59,791 ngut, yn sa siew, ynda ioh ia ka pisa, ban bei na ka Tribal Affairs jong ka sorkar India bad ka sorkar jylla, ka dang iaid shakhmat ban tynruh sha ka sorkar India, na bynta katei ka pisa kaba dang dei ban ioh, ong ka kyrwoh, ba la soi da U Director of Higher and Technical Education.