La shongsuk ki paidbah Block I: HNPF

Jowai, 30 Risaw:
Ka Seng Hyn niewtrep National People Federation H.N.P.F – JHC lyngba ka khubor na u President Ma L.K. Laloo u la ong ba ki jaka ha Block –WA I myntaA ki la shngain ha kaba iadei bad ka leit ka wan ka rep ka riang ym don shuh kino kino ki jingpynthut na baroh ar District Karbi Anglong bad Jaintia Hills, ka jingiatreilang jong ki lai Seng Bhalang kaba kynthup ia ka Hynniew trep National People Federation (H.N.P.F – J.H.C), ka Karbi Anglong Khasi Student Union (K.A.K.S.U) bad ka Karbi Student Assiocation (KSA) ia kane ka committee la sdang ha ka 16 tarik u jylliew bad ia kane ka Committee la tip kum ka Khasi Jaintia Karbi Border Peace & Development Committee( K.J.K.B.P.&.D.C, ha ryngkat bad ka jingiatrei lang jong ki nongshong shnong jong kine ki thain, lyngba kane ka jingiatrei lang ngi la iohi ia une u soh jong ka jingduna ki jingshah pynthuh jong ki para briew ki ba im ha kine ki jaka.
Ki lai Seng Bhalang ki la kyntu ia baroh kiba im sha ki thain khappud ba kin sngewbha ban pynkhlain shuh ia kane ka shong suk shongsain lyngba ka jingia trei lang ha kino kino ki jingeh ba ngi ia kynduh, bad kumba long mynta ki la long ki ba laitluid ha ki liang baroh naduh ka rep ka riang ka leit ka wan ngi la shem ba ym don shuh ki nong pynthut kum ba long ha kine ki snem ba la leit .