Jowai:Da ki spah tylli ki iing ha Khliehriat West ki la ia kynduh jingeh shibun namar ba don bording la kumba shibnai kynthih haduh mynta. Ia kane la iathuh da ka Jaintia National Council, Khliehriat Circle lyngba u President jong ka, u Rimiki Dkhar.
La iathuh ba ka daw ba ki paidbah kim ioh light shuh la shibnai mynta ka dei namar ka jingbthei u Transformer jong ka MeECL uba la buh hajan ka ophis jong u BDO, Khliehriat.
“Kane ka jingbymioh light kitei ki spah ki longing ka la buh ia ki ha ka jingeh kaba khraw khamtam ha kum kane ka por lockdown. Kito ki longing badhuk, ha ka jaka ba kin thied khaw ki la hap ban thied Rnga, Mombati bad umphniang sharak tang ban ioh jingshai bad shet jingshet.
Halor kane, ka JNC-KC hapoh ka jingialam u Rimiki Dkhar kum u President u la thoh ia ka jingujor sha ka bor badei peit ia ka kam bording kaba don ha Moowakhu, Dkhiah West bad ka seng ka la kyntu ia ki sahep jong ka ba kin shimkhia ban bujli noh da uba thymmai ia utei u Transformer khnang ba ki paidbah kin lait na ka jingeh.
Phi don ban ong eiei?