La shem taiew, yn ioh bhah ka jylla na ka sorkar pdeng

Ha ka kam pule doktor
Shillong, 24 Nailar:
Ka sorkar jylla ka khmih lynti ban ioh noh ia ka jingpynthikna ia ka jingai bhah pule doktor na ka sorkar pdeng la shem taiew.
“Ngi la ioh pdiang ia ka jingthoh na ka tnad ka koit ka khiah ka sorkar pdeng ba kan ai bhah 56 ngut ia ka sorkar jylla. Ngi khmih lynti ban ioh ia ka jingpynthikna la shem taiew”, la ong u myntri ka koit ka khiah u Bah AL Hek ha kane ka sngi u Blei.
U la long ba ka sorkar ka sngewkhia ia ka jingpynslem ban pynbna ia ka result jong ki khynnah ba la jied ban leit pule.
“Ngin pynbna ia ka result mar ia ioh ia ka jingpynthikna na ka sorkar”, la ong u Bah Hek.
U la ong ba la phah briew ban iakren sha ka tnad ka koit ka khiah ka sorkar pdeng ban pynsted ia ka jingai bhah ia ka sorkar jylla, u la ong.
Katkum ka jingbthah ka Medical Council of India (MCI), ka tarik ba khadduh ban pdiang rung klas la buh ba kan long ha 31 tarik Nailur.