La shem taiew, yn iakren ka UDP ia ka jubab HSPDP

Shillong, 10 Nailur:
Ka United Democratic Party (UDP) ka lah ban iakynduh noh shen ha kane ka taiew ban wan ban iakren ia ka jubab la ioh na ka HSPDP kaba la pyneh ia ka jingdawa ban bujli ia u nongialam jongka, u Bah Ardent M Basaiawmoit kum u CEM ka KHADC.
Ka jingialan jong ka HSPDP kaba long hynne ka sngi ka la shim ia ka rai ban kyntait mardor ia ka jingdawa ka UDP ban bujli noh da uwei u nongialam ha jaka jong u Ardent, bad ka la ong ba ka jingdawa jong ka UDP ka dei tang ka kam rit kam ria kaba lah ban iakren iapynbeit.
U working president ka UDP u Bah Bindo M Lanong haba iakren ha kane ka sngi Balang u la ong ba ka party kan shong jing ialang ha kane ka taiew ban wan ha kaba baroh ki MDC ka party kin iadon lang ban iapyrkhat halor ka jingkyntait ka HSPDP ban pdiang ia ka jingdawa ka UDP ban weng noh ia u Bah Ardent.
“Ka la parti ka la khmih lynti ba u Bah Ardent Basaiawmoit u dei ban shah bujli”, la ong u Bah Lanong.