Shillong:U Bah Bless Dkhar, President ka HNYF, East Khasi hills, ula shah kem, ha ki pulit ha kapor ba u la dawa pisa haduh 1500 tyngka na kawei kawei ka trok 10 bad 12 shaka ban pyllait ia ki, ba kin iaid lyngba ka jingkieng dam site bad haba ioh ban iakren pat bad u president ba rangbah duh jong ka seng u bah Sadon Blah u la ong “Haba la shah kem te la shah kem ngam ong eiei shuh halor kane ka bynta”.
Ka jing jubab jong u bah Sadon Blah, ka dei hadien ba ki lad pathai khubor ki la pan ka jingkynthoh, halor katei ka jingshah kem noh u bah Bless.
Ka jingjubab jong u bah Sadon ka pyni ruh ba um shem kwah ban kynthoh eiei ia ka jingshah kem noh jong u bah Bless namar ki dkhot jong ka seng ki la dep pynshai ba baroh kim tip eiei ia ka jingleh jong u bah Bless.
Kum ban shu pynkynmaw ba ia u bah Bless la shah kem noh ha ka miet jong ka 30 tarik u risaw 2023 na ka thaiñ Pohkseh.
Phi don ban ong eiei?