Shillong:Ka sorkar jylla myn hynnin ka sngi ka la shah ban sdang noh ia ki jingtrei kiba dei bad ki karkhana shna kali (repairing work shop)ha ka jylla baroh kawei.
Haba iakren bad ki lad pathai khubor u bah Prestone Tynsong u la iathuh ba ka sorkar Jylla ka la shah ban sdang noh ia ki jingtrei ki ba iadei bad ki karkhana shna kali ka ba kynthup ia ki kali ki ba heh bad ki barit kumjuh.
U la ong ruh ba ki karkhana shna kali baroh ki dei ban bud pyrkhing bha ia ki kyndon ki ba la pynmih da ka tnad ka koit ka khiah.
U symbud myntri rangbah ka jylla u bah Prestone Tynsong myn hynnin sngi u la ong ba ki samla ba wanphai na ki jaka ba jur ka jing pang ‘corona virus’ lade kiba don hapoh ki jaka ba dei ki ‘Red Zone’ lane ki ‘Hot Spot’ kin hap ban shah ‘Quanrantine’ kaba 28 sngi ha la ki ing ne ki jaka kyrpang ba la pynkhreh ka sorkar.
U bah Prestone Tynsong u la kyntu ruh ia ki samla ba sahkut sha ki jylla shabar ka thain lam mihngi ba kin long kiba iaishah bad ba kin sah shwa sha ki jaka ba ki don haduh da kut u bnai jymmang.
“Namar ba mynta ka sorkar ka dang pynkhreh ban shaw iaki samla naka thain lam mihngi ka long kaba eh iaka sorkar ban leit shaw sa iaki ba sahkut sha kiwei pat ki jylla ka ri India bad namar kata nga kyntu iaki samla ka jylla ba kin long kiba iai shah shipor” la bynrap u bah Prestone Tynsong.
Naka liang u symbud myntri rangbah u la ong ruh ba ka sorkar kan shim por sa kumba shi taiew naka bynta ban leit shaw lut iaki samla na ka thain lam mihngi. U la ong ruh shi sien ki samla ki poi shapoh Meghalaya ki dei ban bud iaki kyndon ka tnat ka koit ka khiah ban ‘quanrantine’ bad ka sorkar kan pynbiang iaki marbam naka bynta ki long ing ba shah ‘Quanrantine’.
Phi don ban ong eiei?