Jowai: Ka MMT kaba mut ka Mobile Medical Team, kaba dei ka kynhun ki nongsumar kaba kynthup ia iwei I Doctor, I Nurse bad u Nongiarap nalor u nongniah Kali, ka la sdang ban treikam kyrpang ha West Jaintia Hills tang ka bynta ban peit pyrman ia ka koit ka khiah ki pulit kaba hap ban trei meit ban sngi na ka bynta ka bha ka miat u paidbah bad ka imlang ka sahlang.
U SP ka West Jaintia Hills haba kren ha une u nongai Khubor, u la pynpaw ka jingsngewnguh ia ka Health Department kaba la kloi ban shim khia ia kane ka kam ban iarap ia ki pulit.
Mynta ka sngi katei ka kynhun barit ka la leit kylleng ban leh ia ka medical checkup ia ki pulit kiba hap ban peit miet peit iong ki ban khang lad ia kino kino ki briew kiba wan nabar jylla kiba lah ban wanrah ia u khniang jingpang Corona nalor ba ki la trei shitom ruh ha ka ban pyntreikam ia kaei kaba ka sorkar ka la hukum.
Phi don ban ong eiei?