La rakhe ia ka International Nurse’s Day ha Shillong

Shillong: Ka Trained Nurse’s Association Civil Hospital Unit ka la pynlong ia ka jingrakhe ia ka International Nurse’s day, hynnin ka sngi, ban kynmaw ia ka lyngkhuh snem sngi kha ba 200 jong ka Florence Nightingale.

Ka kyrwoh, ba la phah da ka kong I Kharduit, ka iathuh ba bun na ki nurse jong ka Civil Hospital Shillong ki don ha ka duty ban ai jingsumar ia kito kiba ioh ia ka jingpang corona virus bad kumta ki don ki bym shym la lah ban don lang ha ka jingialang, bad bun ki don ha ka duty bakhia jong ki.

Ka jingialang ka la long kaba rit ha kaba la pyniaid da ka kong I. Kharduit, bad la ioh jingkren da ka Kong J.F. Balieh, Nursing Superintendent Civil Hodpital Shillong ha ryngkat ka jingdonlang ka Kong J. Nongspung President TNAI Civil hospital unit, ki nongkitkam, ki nonghikai bad ki students jong ka School of Nursing Civil Hospital Shillong.