Khliehriat: Ha ka 13tarik Nohprah 2018 ka Khliehriat Block Congress Committee (KBCC), ka la pynthymmai ia ki nongkitkam jongka, ha ryngkat ka jingiadonlang jong u ma Nehimayah Tyngkan, u Nongmihkhmat jong ka MPCC. Ha kane ka sngi la pyniaid ia ka jingialang da u Ma Deibormi Syad President ba thymmai ka Khliehriat Block Congress Committee, ba la thung da ka Meghalaya Pradesh Congress Committe, Shillong bad ula pdiang sngewbha ia baroh kiba wan sha kane ka jingialang bad ha kane ka sngi la ioh ban pynsngew ia ka jingsneng jingkyntu da u ma Nehimayah Tyngkan sha ki dkhot baroh bad ula kyntu iaki dkhot bathymmai baroh ba ki dei ban long kiba trei shitom bad don kata ka mynsien ka jingiashah khnang ban lah ban poi sha ka thong.
Ki Nongkitkam ba thymmai ka Khliehriat Block Congress Committe ki kynthup ia U Ma Deibormi Syad, President bad U Ma Philip J. Bamon, Ma Pheinlang Siangshai bad Ma Firstly Syad. Ka kong Rimaya Manar, ka dei ka General Secretary nalor kiwei pat ki dkhot.
Ka KBCC Khliehriat ka la shim ruh ia ka sienjam ban pynsaphriang ia ka jingtreikam jong ka party da kaba pynkha ia ki unit bapher bapher hapoh ka Khliehriat Block, na ka bynta ban ai jingshakri ba kham biang ia ki paidbah bad ia ka party, ong ka kyrwoh na ka kong Rimaya Manar, General Secretary ka Block.