Ki don 5ngut kiba iap ha ka jingbthei jong ka helicopter jong u dap billion, uba dei u trai jong ka Leicester Football Club bad kitei ki kynthup ia U Vichai Srivaddhanaprabha, uba dei u trai jong katei ka Club, ka thei samla bhabriew kaba dei ka nongsynran jongu, nangta u nongniah jong ka helicopter bad ka nongbud jong u nongniah katei ka helicopter. U nongniah jong ka helicopter, u dei U Eric Swaffer bad ula lah ban pyn kynriah ia katei ka helicopter, na ka madan ba don bun briew, kiba peit kai phutbol ha katei ka por.
U Vichai Srivaddhanaprabha
Ka jing pynmih khubor jong ka Leicester City, ka pynthikna ba ki don 5ngut kiba iap, ha katei ka jingbthei jong ka helicopter ha ka King Power Stadium ha ka por 8.30 jong ka miet Sngi Saitjain.
U Vichai, uba don 60snem ka rta, ula thoh ia ka Leicester Club, ha ka dor £39 million ha u snem 2010 bad ula wan rah ia ka jingjop ha ka jingialehkai Premier League, kaba dei ruh ha ka sien kaba nyngkong eh ha u snem 2015-16.
Ha ryngkat U Vichai, ka thei bhabriew, ka Nursara Suknamai, ka nongsynran jongu, ka Kaveporn Punpare bad nangta u nongniah, U Eric Swaffer, uba la ju niah ia ka helicopter jong ka Syiem ka Ri Bilat bad nangta sa ka samla jongu, kaba don ka nongbud jong ka helicopter, ka Izabela Roza Lechowicz, ki la iap ha katei ka jingjia.