Nongpoh: Ki nongkitkam ka Raid Nongkhrah ha ryngkat ki nongkitkam ka Elaka Nongpoh Sirdarship, mynta ka sngi, ki la leit ban pynskhem ia ki nongialam shnong ha Lumbyrhing, kata kadei hadien ba katei ka shnong ka la jied ban pynthymmai ia ki nongialam hapoh katei ka shnong.
Ki nongialam shnong ba thymmai hapoh ka shnong Lumbyrhing bad kiba la shah pynskhem mynta ka sngi, ki kynthup ia u Bah Banaijingsuk Khongdup, kum u Rangbah Shnong bad u Bah Daniel Khongsdam kum u Secretary shnong.
Lyngba jong katei ka sngi, ba la pynskhem ia kitei ki nongialam shnong, na ka liang ka Raid bad Elaka Nongpoh Sirdarship, ki la aiti ia ka Syrnod kaba long kum ka jingpynskhem ia ki nongialam hapoh katei ka shnong, khnang ba kin lah ban pyniaid beit pyniaid ryntih ia ki kam ki jam hapoh katei ka shnong.
Phi don ban ong eiei?