La pynskhem ia ki nongkitkam ba thymmai ka UBCC

Nongpoh: Hynnin ka sngi Saitjain, ka la don ka jingialang hapdeng ki nongkyrshan ka Congress ha Umroi Constituency, ia kaba ki la pynlong ha Bhoirymbong, lyngba katei ka sngi la ioh ruh ban pynskhem syndon ia ki nongkitkam ka thymmai Umroi Block Congress Committee (UBCC).

Ia kitei ki nongkitkam ba thymmai ka UBCC, la leit ban pynskhem da u Bah Charles Marngar, President ka Ri Bhoi District Congress Committee (RBDCC), ha ryngkat ka jingdon kiwei ki nongialam bad ki nongkyrshan ka Congress. Kitei kiba la shah shah pynskhem ba kin long kum ki nongialam ka Congress ha Umroi Constituency, ki kynthup ia u Bah GS Shadap kum u President, u Bah L. Suphai, kum u Vice President, Bah DS Lamare Secretary, katba ki nongialam jong ka Youth Congress ha Umroi la jied ia u Bah Isynei Hinge bad u Bah Ryngkat Nari.

Kitei ki nongialam ka Congress na Umroi bad kiba la shah pynskhem ha katei ka sngi, ki la shim ia ka rai ba kin trei shitom shuh shuh ban pynjop ia u Kyrtong, uba ka Party kan pynieng na katei ka Konstitwensi, khamtam eh ba ka dei ka Konstitwensi kaba ki paidbah ki ju pynjop beit ia u kyrtong ka Congress.