La pynlong ia ka shad Pastieh ha Thadlaskein

Shillong,5 Lber:
Ka Seiñ Raij Muk hla ryngkat u Daloi ka Elaka Nongbah sa shisien biang ka la lah ban pyn long ia ka Lehniam Pastieh Thadlaskeiñ ia kane ka Lehniam Pastieh Thadlaskeiñ kaba la pynkhie im biang ha ka snem 2010 da u Daloi RM Garod hadien ba ka la duh la dam la kumba 75 snem eiei. Katkum ka jinghikai uba rim uba jah la ong ba man uwei pa uwei u Daloi u hap ban pyndep ia kane ka lehniam Chad pastieh Thadlaskeiñ kum ka dak ban ai nguh ai dem ia ka Blei Syiem Synhen shisien lane arsien ha ka pateng ka jong u kat kaba u lah, katba ki Daloi ha Chwa jong u Daloi RM Garod ki khlem lah ban leh ia kane .
U ma RM Garod Daloi Elaka Nongbah uba mynta u la lah ban pynlong ia kane ka shad ha ka sien kaba ar mynta  ka sngi ka 5 tarik u lber ha ka jaka kaba ju pynlong ia ka ha Nan Thadlaskeiñ, ka Nan kaba la tih da u Sajar Nangli  ryngkat ki shipai jong u da ki tdong ryntieh ki jong ki naduh ki hajar snem mynshwa ha ka Chnong Mukhla. “Kat kum ka jing ngeit jong ki khun ka Raij Mukhla ki ong ba ka Blei Syiem Synhen ka Blai um Blai wah ka iathuh ha ki mynbarim ki jong ki ba ka shong ka sah hangta ki dei ban ai nguh aidem iaka da ka kñia ka khriam khnang ba kan ri kan da ia ki bad ruh kan kyrkhu kyrdoh ia ki” la ong u ma W.Lyngdoh U Langdoh ka Raij Mukhla.
Ia kane ka ainguh aidem mynta ka sngi la ai da kaba pom 12 tylli ki blang harud jong ka Nan thadlaskeiñ ki ba la wan rah da u Daloi,pator,u Langdoh, ki sangot bad na ki 5 kur jong ka Shnong Mukhla. Hadien ba la dep ia kane ka pom Blang da pynlong da ka Chad Pastieh da u Langdoh, u Daloi ki Pator  bad ki 5 kur, hadien ba la dep ka pastieh ka Langdoh pat ka la ai ja ai bam pat ia u Daloi. U Lyngdoh bad ia ki waheh wasan ha kawei pat ka jaka, ynda ki la dep bam ja ki la pynlong biang ia ka Chad Pastieh ha madan Thad hangne kino kino kiba kwah ban iashim bynta ha kane ka chad pastieh ki lah ban iashim bynta hadien ba la dep ka chad pastieh, hangne ki pynlong ia ka ia bam pliang ha kaba ki kynthei ki pynkhreh ia ka bam da u Tpu laha,u rasi, u soh bad i pyrnah pyrjin, ka bynta ba khadduh jong kane ka leh niam ha kane ka sngi dei da kaba ia bam ia kane ka dohkñia ha ing ka lyngdoh.