La pynlong ia ka jingkren ba kyrpang halor u Thomas Jones

Shillong: La pynlong ia ka jingkren ba kyrpang halor u Thomas Jones ha skulbah Martin Luther Christian University ha ka 19 tarik u November 2019. Ia kane ka jingkren la ai da u Prof. Andrew May uba long uwei na ki khun khnai (great great grandson) jong u Thomas Jones. U Prof May u la ai jingkren halor ka jingim bad jingtrei u Thomas Jones uba long u missionary na ri Welsh da kaba ban ruh halor ki por ba u Jones u don ha ri India ha kiba u trei hapdeng ki nong Meghalaya bad Assam.

Ha kane ka kajuh hi ka sngi la ioh ruh ban pyllait ia ka kot Tales of Darkness and Light kaba la thoh da ka Janet Hujon. Kane ka kot ka dei ka translation bad kommentari jong ka kot Ki Sngi Barim U Hynniewtrep ba la thoh da u myllung Soso Tham. Ia kane ka kot la pyllait da i Kong Sarahline Giri Tham iba long i pyrsa ksiew (great great grandniece) jong u myllung Soso Tham.

Haba ai jingkren ha ka jingpyllait, i Kong Sarahline Tham i la pynpaw ka jingsngewnguh ia ka MLCU bad ia i Janet Hujon na ka bynta kane ka kot kaba pyni shisha ia ka imlang sahlang jong ka jaitbynriew Khasi ha kito ki por. I la pynpaw ruh ka jingangnud bad jingkyrmen ba ki nongpule ka juk mynta kin sngewtynnad bad ioh jingmyntoi na kane ka kot.