Nongpoh: Ban khang pyrshah ia ka jingiohlad ki kali kitkhia ban iaid lyngba artylli ki Jingkieng ha Ri Bhoi, kiba kynthup ia ka Jingkieng heh ka Damsite (Umiam) bad kumjuh ruh ia ka Jingkieng ha Dwarksuid, u District Magistrate, Ri Bhoi District, Nongpoh, u la pynbna paidbah, ba ia kitei ki Jingkieng la pynjari da ka kyndon 144 CrPC.
Ia ka Jingkieng Dwarskuid kaba don ha Umroi Nongrah, la khang pyrshang ia kino kino ki kali kiba la kit palat ia ka 40 ton ba kin iaid lyngba katei ka Jingkieng, la ka long ia kiba kiew ne hiar. Katba ia ka Jingkieng heh kaba don ha shnong Umiam, la khang pyrshah ia kino kino ki kali kiba la kit palat ia ka 20 ton ba kin iaid lyngba katei ka Jingkieng, ha kajuh ruh ka por, la maham ba ym shah ia ki kali kiba kit hapoh 20 ton ba kin iaid ha kajuh ka por lyngba katei ka Jingkieng. Kino kino ki kali, kiba leh pyrshah ia katei ka hukum kin sa ngat ha ka jingshah pynshitom kiba katkum ki kyndon ain.
Kine artylli ki jingkieng ki dei ki budlum ka ioh ka kot jong ka jylla bad ki state kum ka Mizoram bad Agartala wat ka jylla Assam kum ka Silchar bad kiwei. Ka jingkieng dam lei ka por ka la dep kut naduh mynno ka sorkar ka la dei ban thawlad kumno ban pynkhreh ia ka detail project report shuwa ban kut ka por, mynta la der ka por lada ka jingkieng dam kan twa mano ban kit khlieh, nyngkong baroh ka jylla kan shong dum, ka ioh ka kot ka jylla kan dkut lut nai iakren ia jingiap ne jingshlei um sha thain Bhoi wat shaduh sha Ri thor Assam. Ym dei ban kyndit bynriew tang ha kapor lyiur, ynda lait ka lyiur la klet, ym dei ban pyrkhing ia ki trok kit mar tang ha ka por lyiur kata tang haba iohi ki dak mong ka jingkieng bun ki trok kit mar ba bun shaka da ki spah ton ki iaid man ka sngi.Ka jingkieng dwar ksuid lei dang mynno dang dep shna ka la pyni dak la shna bujli da jingkieng thma ba tang shipor yn da kut ka thma la kut.