Shillong: Ha ka sien banyngkong ka Umkremdykhong LP school ka la pynlong ia ka Annual Sports Meet 2019 ba ar sngi, ha ka 7 bad 8 tarik mynta u bnai ha madan ialehkai ha shnong Umkremdykhong Jirang, Ri Bhoi District.
Ia kane ka tamasa la pynhap pyrda da u Bah Gershome Hat, u Nongthoh Khubor kum u kongsan hynnin ka sngi Balang ha ka jingdonlang u Seecretary Shnong Umkremdykhong Bah Synsharlang Sangkli, ki tymmen Basan Bah B Doloi, Bah P Hat, Head Misstres Nongrim Jirang Secondary School Kong E Doloi, ki nonghikai bah Bah D Rani Bad R Rani ki khynnah skul lem bad ki kmie ki kpa ki khynnah skul kiba la wan ban ai mynsiem ia la ki khun.
Ha ka jingialehkai ka Yellow House ka la ioh khur 610 point bad rah syndon ia ka nam lahduh katba ka Red House ba wan ba-ar ka la khur 460 point.
Ha kane ka tamasa la pynlong ia ki jingialekai bapher bapher kum ka relay race, spone race, musical chair, sack race, Armrestling, phutbol bad kiwei kiwei. Ki khynnah ki la shim bynta shitrhem ha ki jingialehkai bapher bapher ban sei ia la ki sap ki phong jong ki.
Haba ai jigkren u Bah Hat ula ong ka jingialehkai ka long kaba donkam kum ki khynnah ban ioh ia ka met kaba koit ba khiah bad jabieng ba stad ka shong ha ka met ba koit ba khiah. ula kyntu ia ki khynnah ban kohnguh ia ki nonghikai khamtam ki kmie ki kpa kiba trei shitom bad shah ia ka sngi u slap ban pynstad ia la ki khun bad kin trei shitom bad minot ha ki jingpule ban ioh kheit ia u soh jong ka jingjop.
Ia kane ka sport meet la plie da u Bah S Sangkli Secrteary Shnong Umkremdykhong, Jirang ha ka sngi Ba-ar jong ka taiew.
Phi don ban ong eiei?