La pynduh ia ka Raid Mynsaw bad la pynlong ia ka Hima Nongmynsaw, iathuh u EM Elaka

Shillong: Ki dkhot jong ka HNYF mynta ka sngi ki la leit ban kynduh ia u EM incharge ka Elaka u bah Pyniaid sing Syiem halor ban pan jingshai halor ka jingbym shah ban pynlong jingialang ha ka raid mynsaw.

Hynrei na ka liang u bah Pyniaid Sing Syiem u la iathuh ba ia ka Raid Mynsaw la dep pynduh bad la pynlong da ka Hima Nongmynsaw bad ka don da u acting syiem ba la ithuh da ka District Council.

U bah S K Rani u vice president ka HNYF central body u la iathuh ba hadien ba ki la ioh jingbit ki la leit sha ka shnong Langpih ban pynlong jingialang, ban ia kren shaphang ka jingeh ba ki briew na khappud ki ia kynduh, hynrei ka lamih ka jingpyrshah na u sordar barim ka Raid Mynsaw u Hindro Samakha.

Halor ka jingkam jong u sordar barim u bah Hindro Samakha kum u nongialam ka raid Mynsaw, na ka liang u EM ka Elaka un sakhot ha ka 22 tarik mynta u bnai ban pynbeit ia kine ki kam.