Shillong:Kum shi bynta ban bud ryntih ia ki jingbthah jong ka tnad Election commission of India (ECI),haba iadei bad ka jingpyntreikam ia ka model code of conduct (MCC) hadien ba la dep ban pynbna ia ka tarik ban pynlong ia ka elekshon Loksabha 2024.
Ha ki 72 kynta ba la pyntreikam ia ka model code of conduct hapoh jong ka jylla,ki bor pyniaid distrik ki la pynmih ia ki hukum bad mana, ha kaba la dep ruh ban buh ia ka kynhun jong ki Flying Squad ha baroh ki Assembly constituency.
La wanrah ruh ia ka komiti ban peit bniah ia ka jing pynlut pynsep bad ki tnad treikam jong ka sorkar ki hap ban bud ryntih ia ki jingbthah jong ka model code of conduct.
La dep ban weng noh ia ki dur jong ki riew sain hima sima na ka website jong ka sorkar. La weng noh ruh ia ki jingbuh dur bad ki dur ba la dep tah ha ki jaka sorkar,ki jaka jong ki riew shimet ha ki 72 kynta ba ka MCC ka la treikam.
Ha kylleng ki district la dep ban weng noh ia ki poster ha ki jaka sorkar 109 tylli, ha ki jaka paidbah 248 tylli, ki banner 228 tylli ha ki jaka sorkar,440 tylli ha ki jaka paidbah.
La weng noh ruh ia 43 tylli ki jingthoh kynroh ha ki jaka sorkar bad 58 tylli ha ki jaka paidbah.
Ha ki 24 kynta ka jingpyndam noh ia ki dur ha ki jaka sorkar ka long 323 tylli, ha ki 48 kynta ha ki jaka paidbah 599 bad ha ki jaka jong ki riew shimet la dep ban pyndam noh 253 tylli ha ka 72 kynta.
Phi don ban ong eiei?