Nongstoiñ: Na ka jingshem jong ka tnad ka koit ka khiah ia ki positive case bad kum ka lad ban ai jingiada, U District Magistrate ula pynbna da ka Containment zone ia baroh kawei ka Them Iew New Nongstoin naduh kane ka khyllipmat ba la pynbna ia kane ka hukum tad haduh ban da pynbna da kumwei pat.
Ym shah ia ki paidbah ban tur sha kane ka jaka bala khang bad baroh kiba shong ba sah ha kane ka Them Iew kim bit ban mih nala ki iing ki sem khnang ban lah ban pynkiar ia u ba bun balang bad ban lah ruh ban leh ia ka contact tracing.
Katba ki kali kiba dei iaid lyngba kane ka jaka ki lah ban iaid khlem pynsangeh ha katei ka thain.
La khang ia ki jingialum paidbah ne ka jingiakynduh briew bad baroh ki dukan ia die ia thied kiba don ha u pud u sam jong ka Them Iew kidei ban khang khyrdep noh shisyndon iala ki dukan.
Ki volunteer jong ka corona management committee kin pynbiang iaki jingdonkam ba kyrkieh na ka bynta ki briew kiba shong ba sah ha ka containment area.
Na ka bynta ka jingbit jing biang jong kato ka thain la thung ia u Incident Commander bah CP Mawkon.
Kiba don ia ki dak ki shin kum ka jingshit, jyrhoh bad kiei kiwei ki lah ban phone jingiarap ha une u 14410 lane 9485395373 bad 8257946145.
Kane ka hukum kam don jingktah ia ki nongtrei ka koit ka khiah, ki pulit bad ki kali ne nontrei ba ai jingshakri paidbah.
Phi don ban ong eiei?