Nongpoh: Ka District Magistrate jong ka Ri Bhoi District, ka la pynbna paidbah ba ia ka North Eastern Space Application Centre (NESAC), kaba don ha Umiam la pynbna kum ka “Containment Zone” ne ka jaka kaba ym long shuh ban rung ban mih, kata naduh ka 16 haduh 19 tarik mynta u Bnai.
Ka nongrim kaba la pynlong ia ka District Magistrate ka Ri Bhoi, ban pynbna Containment Zone ia katei ka jaka, ka dei hadien ba la don ki briew kiba trei ha katei ka jaka, kiba la ioh ia ka khlam COVID-19, kumta na ka bynta ban tehlakam halor ka jingsaphriang ka khlam COVID-19, la pynbna syndon ia katei ka jaka kum jaka kaba ym long ban rung ban mih.
Namarkata, la maham pyrshah ia ki briew ba kim dei ban rung ban mih ha katei ka jaka kaba la pynbna kum ka “Containment Zone”, lada kim don ia kino kino ki kam kiba kyrkieh lane lait noh tang ia kito kiba donkam shisha, lada lap mano mano kiba leh pyrshah kin sa shah pynshitom katkum ki kyndon ka Ain.
Phi don ban ong eiei?