La pyllait noh ia katto katne ki jaka na ka containment area, ym pat pyllait ia ki kyntoit ha Malki

Shillong: Hadien ba ladep leh ia ka contact tracing bad hadien ba la ioh ia ki tes reports jong baroh ki high risk contacts ha Demthring Block-I, ka District Magistrate jong ka East Khasi Hills District ka la pynbna ba la pyllait noh ia containment area ha ka iingsah jong u Dr. Teiborlang Rymbai ha Demthring Block-I., ia ka iingsah jong Karuna Dey, Lane No.3 bad plot No. 44 R.R. Colony bad ia ka Rani Motors Showroom, Mawblei.

Ha kajuh ka por hadien ba la don ki high risk contacts kiba la iakynduh ia iwei iba ioh ia une u khniang jingpang COVID-19, ka District Magistrate ka la iathuh ba yn nym pat pyllait ia ka iing jong I kong Mainly Warjri, (Chinapatty Malki), Lovely Store ha Malki Point bad ka iing jong u Bah Martian Mawthoh ha Riat Bharat, Malki Nongshiliang na ka containment area bad la khang ruh iano iano ban iaid ha kine ki jaka.