La pyllait ia ki ticket, na bynta ka Lajong bad Gokulam ki ban aireng la 19 tarik Naiwieng

Shillong:Ka Shillong Lajong Football Club ka pynbna lyngba ka Press release ba ki ticket na ka bynta ka jingiakhun hapdeng ka Shillong Lajong FC pyrshah ia ka Gokulam Kerala FC la plie naduh mynta ka sngi ha ki lai tylli ki jaka.

Ka Shillong Lajong kaba la ioh ban sdang ia ka lympung I-League 2023-24 ka la ioh ban pyndep shuwa lai tylli ki jingiakhun, ha kaba ka la ioh ban pynia ryngkat ia ka jinglehkai pyrshah ia ka Mohammedan SC, Neroca FC bad ia ka Sreenidi FC.

Ka jingiakhun kaba saw sien jong ka Shillong Lajong ha ka lympung I-League jong ka samoi ialehkai kaba mynya kan long pyrshah sa bad ka Gokulam Kerala FC kaba yn ialeh ha ka 19 tarik Naiwieng ha SSA Stadium Shillong, naduh ka por 2 baje nohphai sngi.

Ka ticket na ka byn ta katei ka jingiakhun yn sdang ban die paidbah naduh mynta ka sngi 17 tarik Naiwieng ha kaba kiba kwah ban sakhi ia katei ka jingiakhun kin lah ban ioh ia ki ticket na Electronic Centre, Police Bazaar bad na Café Shillong Laitumkhrah naduh ka 17 bad 18 tarik. Katba ha SSA Ticket Counter yn die ia ki ticket naduh ka 18 bad 19 tarik.