La pyllait ïa ka lama & Emblem, ka Revolution Ïada la ka ri

Shillong:Ka Revolution Ïada La Ka Ri ha ka jingïalang paidbah kaba la long hynne ka sngi ha Parking lot Mawkhar, Shillong ka la ïoh ban pyllait ïa ka Lama bad ïa ka Emblem jong ka.

Ha shwa ban pynlait ïa ka Lama bad Emblem la ïoh shwa ka jingïalang ba lyngkot na ki riew rangbah jong ka Revolution ha Mawkhar parking lot ha ka por 3:30 baje janmiet.

Ha katei ka jingïalang ka lah don ka jingpynshai paidbah ïa ka jingthmu bad ïa ka thong jong ka Revolution bad la ïatai ruh ïa shibun ki mat bad ki jingeh kiba ka jaitbynriew Khasi bad ka jylla hi baroh ka ïakynduh ha kine ki sngi.

Ïa ka jingpynshai la ai da ki riewrangbah kynthup khamtam eh ruh na u Convener ka Revolution U Bah Ardent Miller Basaïawmoit ha ka jingdon bun ki paidbah kiba la sngap.

Hadien ba la dep ban pynshai halor ka jingthmu ka Revolution, la ïoh ïa ka jingpynlait ïa ka Lama bad ka Emblem jong ka Revolution da uwei u Rangbah ba lah pynïasoh bad ka Revolution uba lah shongthait na ka kam Sorkar u kyrteng Bah Rang Kharduit

Katba na ka liang u Bah Ardent Miller Basaiawmoit Convener
Revolution Ïada La Ka Ri u la batai ba ka kti ba kham ka thew ïa ka revolution, ka 7dong ka thew ïa ki hynñiewtrep.
Katba ka dur ba shapoh ne Background texture ha ka dur jong ka jabieng ka thew ïa ka jingshemphang.
Kaba phiah laidong ka kdew ïa ka rympei. Rongsaw dei ka jingshlur. Rong jngum (blue) dei ka shemphang bad palei. Ronglieh dei ka bakhuid basngur, bahok bashida.