La pyllait ia ka jingsiew ba T.6,000 klur, sha ki Jylla kum ka jingairam, ha ka jingsiew bai lutksan GST

New Delhi: Ka tnat kam pla tyngka jong ka sorkar pdeng ka la pyllait ia ka jingsiew kaba T.6,000 klur kum ka bynta jingsiew ba 7 kaba shisien shi taiew sha ki Jylla ban iakynduh ia ki jing duna ha ka jingsiew bai lutksan GST.

Na kane, la pyllait T. 5,516.60 klur sha 23 tylli ki Jylla bad T.483.40 klur lapyllait sha 3 tylli ki Union Territory (UT) kiba don iing dorbar thawain (Delhi, Jammu & Kashmir & Puducherry) kiba long ki dkhot jong ka GST Council. Ki 5 tylli ki jylla ba dang sah, ka Arunachal Pradesh, Manipur, Mizoram, Nagaland bad Sikkim kim don jing duna ei ei ha ka jinglum khajna namar ka jingpyntreikam ia ka GST.

Ka Sorkar India ka la plie ia ka lad shim ram kaba kyrpang ha u bnai Risaw, 2020 ban iakynduh ia ka jing duna ba la antad kaba T. 1.10 lak klur ha ka khajna namar ka jingpyntreikam ia ka GST. Ka Sorkar Pdeng ka la shim ram lyngba kane ka lad ba kyrpang na ka bynta ki jylla bad ki UT. Ia kine ki jingshim ram la leh ha ki 7 bynta. Ka pisa ba la shim haduh mynta la pyllait sha ki jylla ha ka 23 tarik Risaw, 2020, 2 tarik Naiwieng 2020, 19 tarik Naiwieng 2020, 23 tarik Naiwieng 2020, 1 tarik Nohprah 2020, 7 tarikNohprah 2020 bad 14 tarikNohprah 2020.

Ka pisa ba la pyllait mynta ka taiew kadei ka jingsiew kaba 7 jong kum kine ki jingsiew ba la ai sha ki Jylla. Ia kane ka pisa la shim mynta ka taiew ha ka sut kaba 5.1348%. Haduh mynta, ka sorkar pdeng ka la shim pisa T. 42,000 klur lyngba kane ka lad ba kyrpang ha ka sut kaba 4.7712%.

Ka Sorkar Pdeng ka la pynbiang pisa ban pyndap ia ki jing duna ha ka jingpyntreikam ia ka GST bad ka la ai jingmynjur ruh ia ki jylla kiba jied ia ka option I ba kin shim ram kaba ryngkat ia ka 0.50% jong ka Gross States Domestic Product (GSDP) khnang ba kin lah ban pynmih pisa. Baroh ki jylla ki la jied ia ka Option-I. La ai jingmynjur ia 28 tylli ki jylla ba kin shim ram shuh shuh haduh T. 1,06,830 klur (0.50 % jong ka GSDP).

Ka pisa ba la ai jingmynjur ban shim ram da 28 tylli ki jylla bad ka pisa ba la lah ban pynmih lyngba ka lad ba kyrpang bad ba la pyllait sha ki jylla bad ki Union Territory haduh mynta kalong.
Ka jingshim ram kaba 0.50 percent jong ka GSDP da ki jylla ba lah ai jingmynjur bad ka pisa ba la pynmih lyngba ka lad ba kyrpang ba la pynpoi sha ki Jylla/UT 14.12.2020.

(T. ha ki klur)

S. No.	Kyrteng jong ka Jylla/ UT	Ka jingshim ram shuh shuh kaba 0.50 percent ba la mynjur na ka bynta ki Jylla	Ka pisa ba la pynmih lyngba ka lad kyrpang bad ba la pynpoi sha ki Jylla/UT
1	Andhra Pradesh	5051	1055.79
2	Arunachal Pradesh*	143	0.00
3	Assam	1869	454.36
4	Bihar	3231	1783.74
5	Chhattisgarh	1792	338.52
6	Goa	446	383.66
7	Gujarat	8704	4212.94
8	Haryana	4293	1988.26
9	Himachal Pradesh	877	784.43
10	Jharkhand	1765	183.90
11	Karnataka	9018	5668.31
12	Kerala	4,522	956.04
13	Madhya Pradesh	4746	2075.07
14	Maharashtra	15394	5472.11
15	Manipur*	151	0.00
16	Meghalaya	194	51.09
17	Mizoram*	132	0.00
18	Nagaland*	157	0.00
19	Odisha	2858	1746.13
20	Punjab	3033	1385.96
21	Rajasthan	5462	1408.42
22	Sikkim*	156	0.00
23	Tamil Nadu	9627	2851.46
24	Telangana	5017	559.02
25	Tripura	297	103.50
26	Uttar Pradesh	9703	2744.29
27	Uttarakhand	1405	1058.28
28	West Bengal	6787	734.68
	Total (A):	106830	37999.96
1	Delhi	Not applicable	2679.39
2	Jammu & Kashmir	Not applicable	1037.91
3	Puducherry	Not applicable	282.74
	Total (B):	Not applicable	4000.04
	Grand Total (A+B)	106830	42000.00

* Kine ki jylla kim don jing duna ha ka jingpyntreikam ia ka GST