Shillong:Hadien ba la mih ki khubor jingpynrem na kiba bun ki kynhun pyrshah ia ka Sorkar Jylla, namar ka jingbym lah ban siew bainong jong ka ia ki nongtrei ka Asha la bun bnai mynta, ha kaba kine ki nongtrei kiba don hapoh ka shatri jong ka Meghalaya Asha Wor kers Union (MAWU) ki la byrngem ruh da kawei ka sur ba lada ka Sorkar Jylla, kam lah ban siew ia ka bainong ka jong ki hapoh ka shitaiew kin pynlong ka jingsangeh treikam kaba khlem buh por.
Ia kane la pynbna da u Myntri ka koit ka khiah jong ka jylla, u Bah AL Hek ha kaba u la iathuh ba na ka liang jong ka tnad ka pla tyngka ka Sorkar Jylla ka la pyllait ia kane ka bainong jong ki nongtrei Asha kaba long 1000 tyngka shibnai bad la dep ban pyllait bad kiba bun ki jaka ki la dep ban ioh bad ki don pat ki bym pat shym la ioh ia katei ka pisa bad na ka liang ka tnad kan sa ialeh ban pynpoi noh ha kine ki sngi ki ban dang wan bad na ka liang utei u Myntri u la ong ruh ba ia ka daw ka jingslem jong katei ka bainong um lah satia ban batai.
Wow Ka Ba ibein kumno ki lah ban im