Nongpoh: Hynnin ka sngi u Father Joe Pareira, nongseng ia ka Kripa Foundation, u la leit ban plie paidbah ia ka Victoria Senior Citizen Home, ka jaka ri bad sumar ei ia ki riew tymmen kiba la noh bad kiba ym don kiba peit ba sumar.
Ha kaba plie ia katei ka jaka ri ia ki riew tymmen, la sakhi da ka jingdon ka Kong RM Kurbah, Secretary ka tnad Health & Family Welfare Department, nangta ka Kong Emy Kharshandi, District Social Welfare Officer, Ri-Bhoi, u Bah David Laitphlang, President ka Shillong Press Club lem bad kiwei.
Ia katei ka Victoria Senior Citizen Home, la peit la khmieh da ka Kong Victoria Wahlang, ha kaba katkum ka jingiathuh da katei ka longkmie, la ong ba ka jingthmu jong katei ka longkmie ban plie ia katei ka jaka ban ri ia ki riew tymmen, ka long ban ri bad sumar ei khlem kano kano ka jingsiew bad ka jingiarap kan dei beit tang ia kito kiba donkam shisha ban ioh ia ka jingiarap.
La ong ba kino kino ki riew tymmen, kiba kwah ban leit sah ha katei ka jaka sumar kaba biang, kin sa shah peit shah khmih shwa, namar ka jingthmu jong katei ka jaka ri ia ki riew tymmen, kan dei beit tang na bynta kito ki briew kiba kutlad bad kiba ym don shisha ia kita ki nongpeit nongkhmih ha kiba haiing hasem.
missionary babha.To ngi ki paitbah ngin contribute katba lah