Nongpoh: Ka Khalai nusip kaba la pawnam na ka jylla Nagaland bad kaba la pawnam ha ki katto katne ki jylla hapoh ka ri, ia kaba la tip kum ka Dear Weekly Lotteries, la plie paidbah hynnin ka sngi ha shnong Them Marwet Khanapara, Raid Marwet, Ri Bhoi District.
Haba iadei bad katei ka jingpynkhalai nusip (Dear Weekly Lotteries), kaba la plie paidbha hynne ka sngi, ki nongpyniaid jong katei ka jingpynkhalai, ki la iathuh ba yn pynkhalai ha ki lai bynta ha ka shi sngi, kata ha ka por 1 baje, 6 bad 8 baje mynmiet, ha kaba ia katei ka jingpynkhalai yn pyni paidbah ha ka Youtube Channel jong kitei kiba pyniaid ia katei ka jingpynkhalai. Uno ne kano, kiba long ki nongjop ha katei ka khalai nusip, kin ioh ia ka khusnam kaba T.1 klur, nalorkata kata kan don ruh ka khusnam da ka pisa, na bynta kito kiba wan ha ka kyrdan ba-ar, balai haduh kiba wan ha ka kyrdan basan.
Ki nongpyniaid ia katei ka khalai nusip, ki la iathuh ruh ruh, ba kawei ka tiket ka shongdor tang T. 6 tyngkat, hynrei kaba sdang ia ka jingdie ia kitei ki tiket kan long beit 5 tylli shaneng bad haba kheinlang ka long T.30 tyngka. Shuh shuh, ki nongpyniaid jong katei ka jingpynkhalai nusip, ki la iathuh ba lyngba katei ka Dear Lotteries, ki la don kumba 1300 hajar ngut ki birew na ki katto katne ki jylla hapoh ka ri, kiba kynthup ia ka West Bengal, Maharashtra, Pynjab bad Goa, kiba la kylla riewspah kynsan, namar ba ki la ioh ia ka pisa kaba da ki klur tyngka lyngba katei ka khlai nusip.
Kitei ki nongpyniaid jong katei ka jingpynkhalai nusip, ki la ong ruh ba kino kino kiba kwah ban thied ne ban pyniaid iew ia kitei ki tiket jong katei ka jingpynkhalai nusip, ki lah ban wad jingtip, da kaba phun ha ki 6291728118 lane 8158898611, kiba dei ki nongpyniaid jong katei ka khalai nusip.
Ko sokar jylla tax ia kum kine namar ki wan na bar ka states wat nym ai lad ba kine ki briew ki rong ia ka spah ka jylla tng ha ka buit khalai