Shillong: Kum shi bynta ban wanrah ïa ka lad jingai jingsumar da ki dawai kynbat kaba kham ïar hapoh nongbah Shillong, ka Meba-ai Tribal Health and Wellness Center ka la ïa syllok ban ïa treikam lang bad ka Vasudeva Vilasam na Jylla Kerala ïa kaba la khmih lynti ba kan ai jingmyntoi shi katdei eh ïa ki paidbah nangne shakhmat.
La plie ïa ka Meba-ai Tribal Health and Wellness Center kaba don ha Hawkers Freezone Market, Golf Link Shillong, da i meirad Serina Wahlang kum ka kongsan ha ka jingïalang kaba la long mynta ka sngi ha ka por 10 baje mynstep.
Ha kane ka sngi la ïa don lang u myntri ka tnad ka koit ka khiah u bah AL Hek, nangta U Bah Ioanis Lyngdoh, Rangbah Shnong ka Golf Link uba long ruh ha ka juh ka por u President jong ka Hawkers Market.
Ki nongsumar kiba la ïa don lang ha kane ka sngi ki kynthup ïa u Dr H Bani uba dei uwei na ki nongsumar Khasi bad u Dr Pradeep Jyoti, uba na ka jylla Kerala.
Ki jingai jingsumar ha kane ka jaka ki kynthup ïa ka khem jem, khem tynrai, ka khem sum, ka khem armet, khem lait shyieng, khem pait shyieng, khem pynjah jrem bad khem pynbeit thid.
Kiwei de ki jingai jingsumar kiba la wanrah buit kyrpang na Kerala ki kynthup ïa ka Abhyangam, Elakizhi, Podikizhi, Pizhichil, Shirovasthi/Shirodhara, Udavarthanam Kadee Vasthi, Nasyam, Tharpanam, Karnapooranam, Body Purification Therapy.
Kan don ruh ka Special Packages /programme kum ka Rejuvenate massage, Slimming Programme, Post Natal Care, Beauty Care Programe , Anti- Stress Back Massage ,Aromatherapy Massage, skin Brightening Facial, Deep Cleansing Facial.
Phi don ban ong eiei?