La mynjur ka Lok Sabbha, ia ka ain Lokpal

New Delhi, 18 Nohprah:
Mynta ka sngi, la mynjur ia ka ain pyrshah bamsap, ka Lokpal bad ka Lokayukta Bill, 2013, ha kaba la ioh ia ka jingmynjur jong ka iing dorbar Lok Sabbha.
Kham mynshwa, la mynjur, ia katei ka ain da ka Lok Sabbha, ha u snem 2011, hynrei la wan rah biang, namar ba la don ka jing pynkylla, ha shwa ban ioh ia ka jingmynjur jong ka Rajya Sabbha, ha ka sngi hat majai.
Ki seng Samajwadi Party bad ka Shiv Sena, ki mih noh shabar, ba ki pyrshah ia katei ka ain, katba na ka liang ka Congress, la kyrshan da U Vice President jongka, U Rahul Gandhi bad ka nongialam jong ka liang pyrshah, ka Sushma Swaraj.
U Anna Hazare, ula sangeh noh ia ka jingshah thngan jongu, kaba khyndai sngi kynthih, hadien ba ka Lok Sabbha, ka la mynjur ban pyntreikam ia katei ka ain.
U Hazare, uba 76snem ka rta, u ong ba tang katei ka ain hi kam biang, hynrei kaba donkam eh mynta, ka dei ban don ki kynhun, ki ban pyrman halor ka jinglong ka kam bamsap ha ki Jylla bapher bapher, ha kaba ula rai ban thaw ia ki kynhun bapher ha ki Jyla, ban peit pyrman bad ban tohkit halor kitei ki kam pyrshah bamsap.