Shillong:Myn hynnin ka sngi, la pyndep ia ka jingleit ontep ia u Reverend Doctor Iarington Khar kongor ha u lumjingtep jong ka Balang Presbyterian ha Mawblei.
Ha kane ka sngi la sakhi ruh ia ki jing wantuid shibun ki jingsngewlem na kiba bun balang. Kum ban shu pynkynmaw ba u Reverend Doctor Iarington Kharkongnor u la khlad noh na kane ka pyrthei ha ka 21 tarik u Naitung ha ka por 5:30 janmiet.
U Doctor Iarington I la long ruh u pastor jong ka balang presbyterian naduh u snem 1975, bad u la shongthait noh ha u snem 2008. U la long ruh kum u Executive member jong ka National Council of Churches in India ha u snem 1978 haduh u snem 1982. U la long ruh kum u President jong ka Laban High School naduh u snem 1977 haduh 1978 bad ruh kum u president jong ka raid lyngkhat high school naduh u snem 1990 haduh 2006 bad kum u president jong ka synod college naduh u snem 1994-1997,2002-2006. U la long ruh u editor jong ka pateng khristan, Lympung khristan bad u dkhot jong ka Khasi Author Society. U Pastor Iaringtorn U la thoh haduh 28 tylli ki kot, kata 26 tylli ha ka ktien khasi bad 2 tylli ha ka ktien phareng.
U pastor Iarington, u don ruh ka mynsiem ieid ri bad I da aiti lut ialade na ka bynta ka bha ka miat jong ka Ri khasi. Namar ba u angnud bad u kwah ba ka ktien kan nang im bad ka kolshor khasi nan nang kiew, U Pastor u la thoh ia ka kot “Ka Jingim tipbriew tipblei” ha kaba u la shah jied ban long u nongthoh uba tbit ha ka thoh ka tar bad ka sorkar ka jylla ka la pynkup ia u da ka khusnam State Literary Award for Khasi Literature ha u bnai Naitung 2000.
Haba U pastor Iarington u la shongthait noh na ka kam Pastor ha u snem 2008, u la wanrah ia ka kyrteng Balang na ka Balang Presbyterian Nongtyngur sha ka Balang Presbyterian Nongthymmai. Kum u Pastor, u la ju leit tengteng sha ki Committee Balang bad u ju iarap ha ki por ba don Sacrament ha ingmane. Ha ka 21 tarik u Nohprah 2012 u la plie ia ka Romiwell Sone Hall (Seminar Hall) jong ka balang. Wat hadien ba u la shongthait u dang bteng ban thoh kot bad ruh ban sumar briew bad ai dawai.
Katkum ka jingiathuh jong uwei u Rangbah Balang jong ka Nobgthymmai u la iathuh “I Pastor Iarington I long I ba sngewtynnad bha ban iathuh khana namar ki khana jong I ki long kiba sngew myllyng naduh ba I dang rit haduh ki sngi ki jinglong tymmen jong I. I long I briew iba kren beit ia ka jingshisha bad uba don jingkitkhlieh ia ka Balang bad iba tista ban wan jingiaseng. Man ba don jingiaseng kiba kyrpang jong ka Balang bad sha ka Pastorate I ju leit barabor.”
Ha kine ki khyndiat snem ka jingpang jingshitom jong u ka la nangjur hynrei im ju treh ban leit sha ki hospital. Hadien ba ki khun jongu ki la iohi ba ka jingshitom jong u ka la nang hiar, ki la pyntip sha ka Balang bad na ka liang ka Balang ka la ioh lad bunsien ban wan jngoh ia u bad la wan ban ai Sacrament khatduh ia u ha ka 28 tarik u Naitung 2020. Hynrei ha ka janmiet jong ka 21 tarik u Naitung, u kynrad u la wanshaw noh ia u ha ka por 3:30 janmiet. U la iehnoh shadien ia ki 4 ngut ki khun,ki pyrsa kurim bad ia ki 8 ngut ki khun ksiew.
“Ka Balang ka la mad ia ka jingjia basngewsih ha ka jingduhnoh jong ka ia uwei na ki nongsharai ka Balang,kata I Rev. Dr Iarington Kharkongor” la iathuh I Tbn.Dr.C.R. Cajee.
Phi don ban ong eiei?