La lap noh ia ka met jong ka samla hadien ba ka la per ha sla um

Shillong: U Waheh jong ka Shnong Moolamanoh, u ma D Siangshai ula pyntip ba la lap ïa ka metïap jong ka samla kaba la ngam jyllop ha ka Sngi U Blei, ha ka thwei Sahksaw kaba don ha ki bynta jong ka wah Myntdu ha ka shnong Cham Cham, East Jaintia Hills District.

U la ong ba ia ka met jong kane ka samla, la lap mynta ka step hadien ba ka la per ha sla um.

Kumban shu pynkynmaw ba kane ka samla kaba kyrteng ka Riwanki Dkhar kala ngam jyllop ha kane ka thwei Sahksaw, Myntdu hadien ba kala syntuid kynsan kynsan na ki maw bad kala ngam jyllop shapoh um.

Kane ka samla ka dei na ka shnong Moolamanoh bad ryngkat kiba haiing ha ka Sngi U Blei kila leit sha katei ka jaka ban shu leitkai sngewbha hynrei ka ka la btuid bad ka la hap ha ki bynta jong ka thwei haduh ba kan da ngam jyllop, bad hadien lai sngi ka jingwad ia ka met jong ka, ki la lap noh mynta mynstep hadien ba ka la per ha um.