Itanagar: La lap mynta ka sngi, ia ka liengsuin ba la pharia lut jong ka AN 32, kaba dei ka liengsuin jong ki shipai suin, ha ka shnong Payum, kaba don hajan ka Tato Shi-yomi District ka Arunachal Pradesh.
Ki don 13ngut ki nongtrei shipai suin lem bad ar ngut ki nongniah, kiba la iap ei ha katei ka jingjia, ha kaba ka liengsuin, ka mih na Jorhat, Upper Assam ban leit sha Mechuka, kaba ha khappud bad ka China mynta ka nohsngi.
Ha kawei pat ka khubor, na ka liang ki shipai, haba pyllait khubor, ki iathuh ba ki la ioh jingtip, ia ka jingdon ka jaka kaba hap jong ka liengsuin, hynrei kat haduh ba thoh ia kane ka khubor, kim pat lah ban pynthikna bad iohi ia ka jaka, kaba ka hap katei ka liengsuin.
Phi don ban ong eiei?