Shillong: U Conrad K Sangma, myntri rangbah ka jylla, u pyntip, ba ka MeECL, ka la rai ban weng noh ia ka jingpynlip ding, naduh ka shiteng synnia jong ka 11tarik Naitung 2022. La iathuh ba ia ka bor ding, kaba duna, la pynioh, da kaba ym donkam ban siew pisa eiei ruh.
La iathuh ruh ba ki tnat bording bapher, ki la sdang ban treikam bha ha kine ki sngi, lait noh ki thymmei jong ka NEEPCO, ki bym treikam satia ha Khondong bad Kopili, kiba dang sahteng haduh mynta. “Ngi sngewnguh ia ki nongthang ding, kiba iai shah shitom bad kiba ia treilang, ha ki por kiba eh, jong kane ka shibnai ba ladep” ong U Sangma.
Phi don ban ong eiei?