Khliehriat: Myn hynnin ka sngi, ki bor district ka East Jaintia Hills lyngba ka tnad pulit, ki la aiti noh ia ki 5 tylli ki metiap sha kiba haiing hasem bad ia ka jinglut ha kaba iadei bad ka bai kali ban kit ia kitei ki metiap la pyllut hi da ka bor district ha ka jinglut kaba haduh 40 hajar. Kawei ka pick up la siew 10 hajar, katba kawei ka trok kaba kit ia ki 4 ngut shaduh Karimganj ha ka dor 30 hajar.
Sa uwei pat uba la iap ha katei ka jingjia u dang don mynta ha ka jaka buh metiap ha Khliehriat CHC bad haduh mynta ym pat lah ban ithuh ia utei u nongbylla tih cutting lane kating na ka bynta ban khlong dewiong.
Ia kitei ki san ngut kiba la aiti sha kiba haiing hasem la tip kyrteng kum u Ali Hussian, u Abdul Sabur, Magbul Hussian, Abu Bakkar, ,Delwar Hussain. Ia ki saw ngut la kit sha Karimganj District bad uwei pat sha Silchar District.
Phi don ban ong eiei?