Ka Guwahati Municipal Corporation (GMC), ka la khang shi syndon, na bynta ka jingkhem met ha ki dukan khap shniuh, lane ki jaka pyn bhariew ha ka sor bah Guwahati baroh kawei.
Ha ka jing pynmih hukum ha ka sngi saitjain, ka GMC, ka kam, ba ka la ioh shibun ki jing ujor, ba ki don ki jingleh jrong kti ha ki katto katne ki jaka pynbhabriew met, ha katei ka sor bah, ki bym sngew tynnad satia ia ka imlang sahlang.
Ka GMC, ka buh kyndon ruh ba ki jaka pyn bhabriew met, ki dei ban long kiba lah ban iohi shynna, haba peit na shabar ruh bad ba kam dei ban don kano kano ka kamra kaba la buh kyrpang, na ka bynta ba khem met ne ban khap shniuh. Nangta la khang ruh ban khem met, da ki shynrang ia ki kynthei, lane ki kynthei ruh ia ki shynrang.
Phi don ban ong eiei?