La kham syaid ka mariang, ha nongbah Shillong

Shillong: Wat la ka bneng ka dum lyoh ha ka nongbah Shillong, hynrei ka jingkhriat, ka la kham duna mynta ka sngi.

Ka tnat peit mariang jong ka sorkar India, ka pyni, ba kaba shit eh mynta ka sngi ha Shillong, ka long 13.4 degree, kaba khriat eh, ka long 6.5 degree, nangta ha Sohra, kaba shit eh, ka long 17.7 bad kaba khriat eh, ka long 7.4 degree, ha Umiam, kaba shit eh, ka long 17.4 bad kaba khriat eh, ka long 9.6 degree.

Mynta ka sngi, ym don slap satia ha Shillong, Umiam bad ha Sohra ruh kumjuh. Lashai ka sngi, kan don ka jinghap slap kaba malu mala ha ka nongbah Shillong, katba sha kiwei ki jaka, kan don ka jingdum lyoh kaba jur.